Ҳудудий бўлимлар фаолияти такомиллаштирилади

Унда бир қатор муҳим масалалар кўриб чиқилди. Сир эмас, терма жамоанинг қанчалик кучли бўлиши вилоятларда ишларнинг тўғри йўлга қўйилганига боғлиқ. Йиғилишда ҳам айни шу устувор масала кун тартибида бўлди. 

Аниқроғи, ҳудудларда дзюдо бўйича иқтидорли ёшларни аниқлаш, танлаш ва саралаш (селекция) ишларини такомиллаштириш, дзюдо билан шуғулланувчиларнинг умумий сонини ошириш, бошланғич синфлар ва мактабгача ёшдаги болалар учун дзюдо мусобақалари сонини кўпайтириш, дзюдо залларини таъмирлаш, ҳудудларда янги очилган залларда шуғулланаётган спортчилар сони бўйича мониторинг ишларини олиб бориш, тренерларнинг касбий малакасини ошириш каби масалалар муҳокама қилинди. 

Шунингдек, 2023 йилда бўлиб ўтадиган Ўзбекистон чемпионатлари ва кубоклари, ўқув-машғулот йиғинларини вилоятларда ташкиллаштириш бўйича ҳудудий федерацияларнинг таклифлари кўриб чиқилди.