"Ҳумо яшайди!". "Қанотлилар" расмий баёнот билан чиқди

"Ҳурматли дўстлар, мухлислар ва "Ҳумо" хоккей клубининг тақдирига бефарқ бўлмаган барча юртдошлар!

Биламиз, сиз клубимизнинг келажаги ҳақида янгиликларни анчадан бери кутяпсиз. Сукут саволлар туғдиради — ва биз уларни эшитаяпмиз. Шу сабабли, ҳозирда айта оладиган маълумотларимиз билан ўртоқлашмоқчимиз.

Аввало, "Ҳумо" клубига бўлган самимий қўллаб-қувватловингиз, қизиқишингиз ва меҳрингиз учун сизга чуқур миннатдорлик билдирамиз. Айнан сизнинг ишончингиз бизни оғир шароитларга қарамай ҳаракатни давом эттиришга илҳомлантиради.

"Ҳумо" хоккей клуби ўз фаолиятини давом эттиради. Шунингдек, "Ҳумо" болалар хоккей академияси ҳам ишлашда давом этмоқда. Ҳозирда биз клубнинг яқинлашиб келаётган ва кейинги мавсумлардаги иштирок шакли борасида қарорлар қабул қилиш жараёнидамиз. Турли сценарийлар ва ривожланиш йўналишлари устида иш олиб борилмоқда.

Тасдиқланган аниқ маълумотлар пайдо бўлиши билан бу ҳақда сизларни, албатта, хабардор қиламиз. Сизнинг эътиборингизни, ташвишингизни ва садоқатингизни ҳис қилаяпмиз — бу бебаҳо. Биз билан қолаётганингиз учун раҳмат! Биз биргамиз — ва айнан мана шу бизнинг асосий кучимиздир", дейилади клуб баёнотида.