17 авг 10:10
Янгиликлар

Теннис

Ҳумоюн, Шониғмат ва Темур Минскда бир кунда мағлуб бўлишди

Беларусь пойтахти Минск шаҳрида ўтказилаётган теннис бўйича “Фьючерс” туркумига кирувчи турнирда чорак финал иштирокчилари маълум бўлди.

Эътиборлиси, соврин жамғармаси 15 000 долларни ташкил қилувчи мусобақада қатнашаётган уч нафар теннисчимиз бари бир кунда иккинчи давра учрашувларида мағлубият аламини тотиб кўришди.

Асосий тўрга саралаш баҳслари орқали етиб келган Шониғмат Шофайзиев турнирнинг иккинчи ракеткаси беларуслик Дмитрий Жирмонтга, Ҳумоюн Султонов мусобақанинг тўртинчи рақамли иштирокчиси украиналик Владислав Манофовга, Темур Исмоилов эса беларуслик Михаил Халякка ютқазиб қўйди.