12 дек 16:45
Янгиликлар
Футбол
Ибрагимович АҚШда қолмоқчи
"Лос-Анжелес Гэлакси" ҳужумчиси Златан Ибрагимович АҚШ клубини тарк этмайди.
Бу ҳақида расмий хабар келаси ҳафтада эълон қилинади. Эслатиб ўтамиз, олдинроқ форвард "Милан" билан музокара ўтказаётгани эълон қилинган эди, аммо томонлар келиша олишмади.
Швед яқин вақт ичида АҚШ клуби билан янги битим имзолайди ва ундаги маош аввалгисидан кўпроқ бўлади. Ибрагимович амалдаги шартнома бўйича йилига 1,5 млн. доллар ишлаб топади.
37 ёшли Ибрагимович 2018 йилнинг мартида "Манчестер Юнайтед"дан "Лос-Анжелес Гэлакси"га ўтган эди. Жорий мавсум у MLSнинг 27та учрашувида 22та гол урди ва 7та голли пас берди.
Ҳавола :
Манба : championat.asia
Фикрлар