28 май 08:48
Янгиликлар

Теннис

Ига Свёнтек кетма-кет 30-ғалабасини тантана қилди

Сайёрамизнинг биринчи ракеткаси Ига Свёнтек "Ролан Гаррос" турнирининг иккинчи даврасида Алисон Рискдан устун келди – 6/0, 6/2.

Бу билан польшалик теннисчи кетма-кет 30-ғалабасини қўлга киритди. 2000 йилдан бери у қаторасига 30 та учрашувда ғалаба қозонган тўртинчи теннисчига айланди.

Ундан олдин Жюстин Энин (32), Серена Уильямс (34), Винус Уильямс (35) бу ишни амалга оширган эди. Ига охирги 20 та учрашувида фақат битта сетда мағлуб бўлган.

Эслатиб ўтамиз, Ига Свёнтек Франция Очиқ чемпионатининг учинчи даврасида черногориялик Данка Ковиничга қарши баҳс олиб боради.