03 июн 08:24
Янгиликлар
Теннис
Ига Свёнтек кутилганидек "Ролан Гаррос" финалига чиқди
Франция пойтахти Париж шаҳрида бўлиб ўтаётган мавсумнинг иккинчи "Катта Дубулға" турнири якуний паллага кирди.
Сайёрамизнинг биринчи ракеткаси, польшалик Ига Свёнтек турнирнинг ярим финалида WTA рейтингида 20-ўринни эгаллаб турган россиялик Даря Касаткинага қарши кортга чиқди.
1 соату 6 дақиқа давом этган учрашувда "Ролан Гаррос – 2020" чемпиони Ига Свёнтек Касаткинани 6/2, 6/1 ҳисобида мағлуб этиб, турнирнинг финалига йўл олди. Учрашувда Свёнтек битта эйс, иккита қўш хато ва бешта брейк қайд этди. Касаткина эса иккита эйс ва битта брейк амалга ошириб, икки бор қўш хато йўл қўйди.
Навбатдаги чемпионлик учун Свёнтек америкалик 18 ёшли Кори Гофф қарши кураш олиб боради.
Эслатиб ўтамиз, "Ролан Гаррос"нинг умумий мукофот жамғармаси 43,6 миллион еврони ташкил этади. Унинг амалдаги ғолиби чехиялик Барбора Крейчикова ҳисобланади.
Ҳавола :
Манба : gotennis.ru
Фикрлар