17 май 11:20
Янгиликлар

Теннис

Ига Свёнтек Римни забт этди + ФОТО

Италиянинг Рим шаҳрида ўтказилган WTA турнири польшалик теннис маликасининг ғалабаси билан якунланди.

Дунёнинг 15-ракеткаси бўлиб турган Ига Свёнтек бош соврин учун кечган финал учрашувида WTA рейтингида 9-поғонадан жой олган чехиялик Каролина Плишковага битта ҳам геймни ютиб олиш имкониятини бермади - 6/0, 6/0.

Бор йўғи 46 дақиқа давом этган баҳсда 19 ёшли Свёнтек битта эйс, 6 та брейк-пойнтни амалга оширди. Тўпни ўйинга киритишда хатога йўл қўймади. Бу теннисчиларнинг ўзаро ўтказган илк учрашуви эди.

Internazionali BNL d'Italia турниридаги муваффақиятли иштирок Ига Свёнтекка 900 рейтинг очкоси ҳамда 178,630 евро мукофот пулини тақдим этди.