16 окт 17:49
Янгиликлар
Бокс/ММА
Икки карра Олимпиада чемпиони Ломаченко - Лопес жангига тахмин билдирди
WBA йўналишида жаҳон чемпиони Гильермо Ригондо WBA, WBO ва WBC Franchise камарлари соҳиби Василий Ломаченко ҳамда IBF йўналиши чемпиони Теофимо Лопес ўртасида бўлиб ўтадиган жанг ҳақида ўз фикрлари билан ўртоқлашди.
"Жуда яхши жангга гувоҳ бўламиз. Бу тўқнашувда Ломаченко ғалаба қозонади. Теофимо Лопес Василий Ломаченкодан фарқли ўлароқ тажрибали жангчилар билан кўп тўқнаш келмаган. Теофимо пухта тайёргарлик кўриши керак. Мен унинг ажойиб боксчи эканлигини биламан, чунки у енгил вазн тоифасида бўлганида биз биргаликда спарринг ўтказганмиз.
Умид қиламанки, Лопес яхши ҳаракат қилади, у ажойиб йигит. Бу катта жанг бўлади, лекин Ломаченко ғалаба қозонишига ишонаман", - дейди Ригондо.
Эслатиб ўтамиз, Ломаченко ва Лопес ўртасидаги мутлақ жаҳон чемпионлиги учун жанг 17 октябрь куни Лас-Вегас шаҳрида ўтказилади.
Ҳавола :
Манба : Boxing Scene
Фикрлар