10 сен 16:25
Янгиликлар

Теннис

Икки йилга четлатилган Мария Шарапова ҳозир қаерда?

Допинг можароси сабаб икки йилга дисквалификация қиланган россиялик теннис маликасини US Open турнири ўтказилаётган Нью-Йорк шаҳридан топишди.

Мария Шарапова айнан допинг истеъмол қилгани учун “Катта Дубулға” туркумига кирувчи йилнинг тўртта нуфузли турниридан бирини ўтказиб юборяпти.

Маша теннис байрами билан параллел равишда Нью-Йорк шаҳрида ўтказилаётган Модалар ҳафталигида иштирок этмоқда.

Жума куни 29 ёшли теннис юлдузи Plaza меҳмонхонасида дунёга машҳур Harper’s Bazaar журнали ташкил этган кечага ташриф буюрди.

У оқшомга таклиф этилган бошқа юлдузлар каби Франциянинг Vogue журнали собиқ бош муҳаррири Карин Ройтфельднинг Icons фото лойиҳаси тақдимотини ҳам томоша қилди.