21 сен 10:04
Янгиликлар

Бокс/ММА

Икки йўналиш чемпионининг рақиби маълум бўлди

Профессионал бокснинг енгил вазн тоифасида WBC ва IBF йўналишлари чемпиони енгилмас Майки Гарсия (39-0, 30 КО) ўзининг навбатдаги ҳимоя жангини ўтказади.

Гарсиянинг навбатдаги рақиби Ричард Комми (27-2, 24 КО) бўлади. Ушбу чемпионлик жанги йил охиригача ўтказилиши керак. IBF ташкилоти жангга эгалик ҳуқуқи учун 25 сентябрь куни промоутерлар ўртасида очиқ савдо уюштиради.

Таъкидлаш жоиз, аслида Гарсия Эррол Спенсга қарши жанг ўтказишни режалаштирганди. Афтидан ушбу жанг кейинроққа кўчирилади. Гарсиянинг асосий мақсади Василий Ломаченко билан жанг ўтказиш. Украиналик жаҳон чемпиони тез орада Хосе Педрасага қарши рингга кўтарилади.