Иккинчи ракетка бўлган Албина рейтингда ўзидан 421 поғона пастдаги теннисчига ютқазди

Соврин жамғармаси 15 000 АҚШ долларини ташкил қилувчи мусобақанинг биринчи даврасида беш нафар теннисчимиз кортга чиққанди. Улардан биргина Албина Хабибулина иккинчи босқичга йўлланма олган эди.

Афсуски, турнирда иккинчи рақам остида таснифланган ҳамюртимиз чорак финал чиптаси учун кечган учрашувда рейтингда ўзидан 421 поғона пастда жойлашган россиялик Нонна Кургинянга 3:6, 3:6 ҳисобида ютқазди.

Таққослаш учун, 25 ёшли Хабибулина дунё рейтингида 611, 19 ёшли Кургинян эса 1032-ўринни эгаллаб турибди.