30 мар 18:58
Янгиликлар

Дзюдо

Илиадис бошчилигидаги дзюдочиларимиз Грузияда йиғин ўтказишди

Анталия "Катта Дубулға" турнирида иштирок этадиган терма жамоамиз аъзоларининг бир гуруҳи Тбилиси шаҳрида ўқув-машғулот йиғини ўтказишди.

Ушбу йиғин Грузия терма жамоаси билан ҳамкорликда ташкил этилди. Машғулотларда асосий эътибор жисмоний тайёргарликни янада кўтариш, спарринглар ва техникага қаратилди. Грузияда машғулот ўтказган таркиб бош мураббий Илиас Илиадис бошчилигида Тбилисидан Анталияга етиб боради.

Маълумот учун, Грузиядаги машғулотларда Дилшод Баратов, Сардор ва Кемран Нуриллаев, Шаҳрам Аҳадов, Шарофиддин Болтабоев, Музаффарбек ва Ўткирбек Тўрабоевлар иштирок этишган.