Илья Ивашка фаолиятидаги илк совринини қўлга киритди

Дунёнинг 63-ракеткаси бўлиб турган Илья Ивашка бош соврин учун кечган баҳсда рейтингда 90-поғонадан жой олган швециялик Микаэль Имерни ортиқча қийинчиликсиз мағлуб этди - 6/0, 6/2. 

Бор йўғи 55 дақиқа давом этган баҳсда 27 ёшли Ивашка 4 та, 22 яшар Имер эса 2 та эйс зарбасини амалга оширди. Теннисчиларнинг ўзаро учрашувларида ҳисоб тенглашди - 1:1. Winston-Salem Open турниридаги муваффақиятли иштирок Ивашкага 250 рейтинг очкоси ҳамда 96,505 доллар тақдим этди.