12 мар 11:32
Янгиликлар

Теннис

Индиан-Уэллс (ATP): Жокович 109-ракеткага ютқазиб қўйди

Хабар берганимиздек, шу кунларда АҚШнинг Индиан-Уэльс шаҳрида “Мастерс” сериясига кирувчи нуфузли турнир давом этмоқда.

Соврин жамғармаси 8 миллион 909 минг 960 долларни ташкил қилувчи мусобақанинг иккинчи даврасида кутилмаган натижа қайд этилди. Жароҳати сабаб ўтган мавсумни деярли ўтказиб юборган Новак Жокович илк учрашувидаёқ ютқазиб қўйди.

Сербиялик ракетка устаси саралаш баҳслари орқали асосий тўрга етиб келган япониялик Таро Дэниэлга қарши кортга чиқди. Дунёнинг 13-ракеткаси бўлиб турган Жокович ATP рейтингида 109-поғонада бораётган Дэнилга 2 соату 30 дақиқа давом этган учрашувда 6:7 (3), 6:4, 1:6 ҳисобида имкониятни бой берди.