Индиан-Уэллс "Мастерс" турнири чемпиони аниқланди

Мусобақанинг ҳал қилувчи финал учрашувида дунёнинг иккинчи ҳамда тўртинчи ракеткалари - испаниялик Карлос Алькараз ва Даниил Медведев ўзаро тўқнаш келишди. Бир юз икки дақиқа давом этган баҳсда Алькараз 7/6(5), 6/1 ҳисобида ғалаба қозониб, мусобақа бош совринига эга чиқди. 

Испаниялик теннисчи ўзаро учрашувлардаги ҳисобни ўз фойдасига - 4:2 кўринишига келтирди. Иккала теннисчи ҳам 3 тадан эйс зарбасини ижро этган. Қўшхатолар Медведевда 3 га 1 кўринишида кўпроқ бўлди. Брейклар эса худди шу ҳисобда Алькараз фойдасига ҳал бўлди. 

Эътиборлиси, ўтган йилги финалда ҳам Медведев айнан Алькаразга ютқазиб қўйганди. Карлос фаолиятидаги 13-совринни қўлга киритди. "Мастерс"даги чемпионлик титуллари сони эса 5 тага етди. Чемпионлик унвонини ҳимоя қилган Алькараз 1000 рейтинг очкоси ҳамда 1,100,000 доллар мукофот пули ишлаб олди. Медведев эса 650 очко ва 585,000 долларга эга бўлди.