Indian Wells ATP Masters 1000. Истоминдан кутилган натижа

Соврин жамғармаси 9 миллион 146 минг 125 АҚШ долларини ташкил этувчи турнирнинг саралаш баҳсларида ҳамюртимиз Денис Истомин ҳам ўз омадини синаб кўрди. Афсуски, мамлакатимизнинг биринчи ракеткаси Indian Wells ATP Masters 1000 мусобақасининг илк саралаш босқичидаёқ мағлубият аламини тотиб кўрди. 

ATP рейтингининг 224-поғонасидан жой олган Истомин 81 дақиқа давом этган баҳсда 178-ўринни эгаллаб турган америкалик Эрнесто Эскобедога 3/6, 2/6 ҳисобларида ютқазди. Бу икки теннисчи ўзаро 2017 йилнинг 30 май куни "Ролан Гаррос" турнирининг 1/64 финалида ҳам тўқнаш келишган бўлиб, ўшанда Денис рақибини 7/6(3), 6/3, 6/4 ҳисобларида таслим этган эди.