20 фев 16:25
Янгиликлар

Бокс/ММА

Ислам Махачев: "Биз тайёрмиз!"

30 ёшли аралаш яккакурашлари устаси, енгил вазн тоифасида UFC жангчиси Ислам Махачев Инстаграм саҳифасига навбатдаги жангига тайёргарлик кўраётгани акс этган суратини жойлади.

"Бу яна бир қийин машғулот лагери эди. Олдинда яна бир қийин ҳафта кутиб турибди, биз тайёрмиз, ИншаАллоҳ”, - дея суратни изоҳлаган Махачев.

Аввалроқ, 27 февраль санасида Ислам Махачев билан жанг қилиши керак бўлган Бенеил Дариуш жангни жароҳати сабаб ўтказиб юбориши маълум бўлган эди. Эндиликда Исламга яна бир АҚШ вакили Бобби Грин рақиблик қилади.

Бобби Грин сўнгги жангини 13 февраль санасида Насрат Хакпарастга қарши ўтказиб, ҳакамлар қарорига кўра ғолиб деб топилган. Унинг ҳисобида 29 ғалаба, 12 мағлубият ва бир дуранг мавжуд.

Россиялик жангчига келадиган бўлсак, Махачев сўнгги жангини Ден Хукерга қарши ўтказиб, биринчи раунднинг ўзида ишинчли ғалабага эришган.