23 мар 07:43
Янгиликлар

Бокс/ММА

Ислам Махачев Мовсар Евлоевнинг ғалабасига муносабат билдирди + ФОТО

Ярим ўрта вазн тоифасида UFC чемпиони Ислам Махачев рейтингда биринчи ўринни эгаллаб турган ҳамюрти Мовсар Евлоевнинг ғалабасини битта сўз билан ифодалади.

"Машина!", - деб ёзди Ислам ижтимоий тармоқдаги саҳифасида.

Евлоев 22 мартга ўтар кечаси Лондон (Буюк Британия) шаҳридаги "O2 Арена"да бўлиб ўтган UFC Fight Night 270 турнирининг асосий жангида британиялик Лерон Мёрфини ҳакамларнинг якдил қарори билан мағлуб этиб, чемпионлик камари учун мажбурий даъвогарга айланганди.

Россиялик бу билан ўзининг аралаш яккакурашлардаги ғалабали сериясини 20 та жангга етказиб олганди. Мовсар UFC октагонида 10 та ғалабага эришган. Ўз навбатида, Мёрфи фаолиятидаги илк мағлубиятини қабул қилиб олди. Унинг ҳисобида жами 17 та ғалаба бор ва яна бир жанг ўтказилмаган дея топилган.