30 авг 10:22
Янгиликлар

Бокс/ММА

Ислам Махачев Нурмагомедовнинг UFC`даги иккинчи мағлубияти ҳақида гапирди

UFC ярим ўрта вазн тоифаси чемпиони Ислам Махачев жамоадоши Умар Нурмагомедовнинг кечаги нокаутли мағлубиятига ўз муносабатини билдирди.

Россиялик аралаш яккакураш устаси кеча Хитойнинг Шанхай шаҳрида бўлиб ўтган UFC Fight Night 286 турнирида хитойлик Сонг Ядонгга нокаут эвазига имкониятни бой бериб қўйганди.

"Бизга тақдир қилинган нарсадан розимиз. Мақсад сари йўлда синовлар кўп, лекин ишончим комилки, сен буни енгиб ўтасан, биродар", — деб ёзди Махачев ижтимоий тармоқлардаги саҳифасида.

Маълумот учун, 30 ёшли Умар Нурмагомедов профессионал аралаш яккакурашлар (ММА)даги фаолиятини 2016 йилда бошлаган. 2021 йилдан UFC`да иштирок этиб келмоқда. У дунёнинг энг нуфузли ташкилотида жами саккизта ғалаба ва иккита мағлубият қайд этган.