Ислам Махачевга Конорга қарши бокс жанги таклиф қилинди

Россиялик жангчи бу таклиф ҳақида "UFC Eurasia"га берган интервьюсида сўзлаб берди.

"Макгрегор масаласи ёпилгани йўқ. Ҳозир бизда янги режа бор. Яқинда мен "Zuffa Boxing" турнирига бордим, у ерда Турки Ал аш-Шайх ўтирган эди. У Конорга қўнғироқ қилиб, бокс жанги ўтказамизми ёки йўқ, деб сўради. Мен албатта, деб жавоб бердим. "Дана Уайтнинг ўзидан сўра", дедим. Уайт ҳам ёнимизда ўтирган эди. Тўлиқ гаплашиб олишнинг имкони бўлмади, лекин нега энди йўқ? Ўзимни юқори даражадаги боксчи деб ҳисобламайман, лекин исталган жангчи билан стойкада (тик турган ҳолда) бемалол жанг қила оламан", – деди Махачев.

UFC енгил вазн тоифаси чемпиони Ислам Махачев шу дам олиш куни Нью-Йоркда бўлиб ўтадиган UFC 330 турнирида октагонга қайтади. Турнирнинг асосий воқеасида у ўз чемпионлик камарини ирландиялик Йен Мачадо Гэрридан ҳимоя қилади.

Конор Макгрегор эса яқинда Макс Холлоуэйга қарши жангда олган тиззасидаги жароҳати туфайли операция қилинди ва энди уни узоқ муддатли тикланиш жараёни кутмоқда.