18 янв 08:47
Янгиликлар

Теннис

Исмоилов АҚШ турнирида ўзидан 933 поғона пастдаги теннисчига ютқазди

АҚШнинг Флорида штати Санрайс шаҳрида теннис бўйича “Фьючерс” туркумига кирувчи турнир бўлиб ўтмоқда.

Соврин жамғармаси 15 000 доллардан иборат ушбу мусобақада ҳамюртимиз Темур Исмоилов ҳам иштирок этаётганди. Мамлакатимизнинг тўртинчи ракеткаси ўз иштирокини саралаш баҳсидан бошлаган ва тўртта учрашувда ғалабага эришиб, асосий тўрга йўлланма олганди.

Исмоилов турнирнинг асосий тўр баҳслари илк даврасида имтиёзли йўлланма асосида иштирок этаётган америкалик Жордан Паркерга қарши кортга чиқди. Икки сет давом этган учрашувда Паркер 6:2, 6:0 ҳисобида зафар қучди.

Таққослаш учун, Темур Исмоилов дунё рейтингида 832, Паркер эса 1765-ўринни эгаллаб турибди. Ҳамюртимиз рейтингда ўзидан 933 поғона пастда жойлашган теннисчига имкониятни бой берди.