13 июн 09:14
Янгиликлар

Теннис

Исмоилов АҚШдаги турнирнинг ҳам яккалик, ҳам жуфтлик баҳсида кортга чиқди

Истеъдодли теннисчимиз Темур Исмоилов маълум бир танаффусдан сўнг яна кортга қайтди.

Ҳамюртимизнинг АҚШдаги турнирда иштирок этиши ҳақида хабар берган эдик. Баффалодаги турнирнинг соврин жамғармаси 25 000 долларни ташкил қилади.

Исмоилов ушбу “Фьючерс” туркумига кирувчи мусобақанинг илк даврасида турнирнинг бешинчи ракеткаси америкалик Алекс Рибаковга қарши кортга чиқди. Учрашувда Рибаков 6:4, 6:0 ҳисобида ғалаба қозонди.

Россиялик Маркос Каловелонис билан тандем ҳосил қилган Темур турнирнинг жуфтлик мусобақасида ҳам имкониятни бой берди. Темур ва Маркос британиялик теннисчилар Брум Чарлз ҳамда Томас Колаутти ҳамкорлигига 6:4, 3:6, тай-брекда 7:10 ҳисобида ютқазишди.