Исмоилов Таиландда саралашдан чиққан теннисчига ютқазиб қўйди

Соврин жамғармаси 10 000 АҚШ долларини ташкил қилувчи мазкур турнирда ҳамюртимиз Темур Исмоилов ҳам иштирок этди. 

Бу йил рейтингда яхшигина кўтарилишга эришган терма жамоамиз аъзоси афсуски, Хуахин турнирининг илк даврасидаёқ мағлубият аламини тотиб кўрди.

Исмоилов турнирнинг бешинчи сараланган теннисчиси бўлишига қарамай, илк даврада саралашдан асосий тўрга қўшилган кореялик Жи Мун Лига 2:6, 6:3, 2:6 ҳисобида имкониятни бой берди ва иштирокини тўхтатди.