25 окт 15:07
Янгиликлар

Футбол

Испания солиқ хизмати энди Бэйлдан пул ундирмоқчи

Испания солиқ хизмати "Реал" ярим ҳимоячиси Гарет Бэйлни солиқ тўлашдан бўйин товлашда айбламоқда ва ундан 337 минг евро талаб қилмоқда.

Маълумотларга кўра, Бэйл 2013 йилда имиж ҳуқуқларидан тушган даромадни яширганликда гумон қилинмоқда. Солиқ хизмати вакилларининг ҳисобига кўра, уэльслик 200 минг евро тўламаган. Бу маблағга 100 минг жарима ва унинг фоизи (37 минг евро) қўшилади.

Эслатиб ўтамиз, 29 ёшли Бэйл 2013 йилда 101 млн евро эвазига "Тоттенхэм"дан "Реал"га ўтган эди. Жорий мавсум у "Қироллик клуби"нинг 11та учрашувида майдонга тушиб, 4та гол уриб, 4та голли пас берди.