Исроил Мадримов диссертация ишини муваффақиятли якунлади!

"Мадримов Исроил Модрахимович педагогика фанлари бўйича фалсафа доктори (PhD) диссертация ишини муваффақиятли ҳимоя қилди.

Ўзбекистон давлат жисмоний тарбия ва спорт университети “Бокс турлари назарияси ва услубияти” кафедраси ўқитувчиси Мадримов Исроил Модрахимович 13.00.04 – Жисмоний тарбия, спорт машғулотлари, соғломлаштириш ва адаптив жисмоний тарбия назарияси ва методикаси ихтисослиги бўйича “Ҳаваскор ва профессионал боксчиларнинг ўзига хос индивидуал хусусиятлари” мавзусидаги педагогика фанлари бўйича фалсафа доктори (PhD) диссертация ишини Ўзбекистон давлат жисмоний тарбия ва спорт университети ҳузуридаги илмий даражалар берувчи DSс.03/30.12.2019.Ped.28.01 рақамли Илмий кенгаш йиғилишида муваффақиятли ҳимоя қилди.

Исроил Мадримовнинг илмий мақолалари ва тезислари республика ва халқаро илмий конференция ва семинарлари илмий тўпламларда нашр этилган. Диссертация мавзуси бўйича жами 7 та илмий-услубий иш, жумладан, Олий Аттестация Комиссияси томонидан докторлик диссертацияларининг асосий илмий натижаларини чоп этишга тавсия этилган илмий нашрларда 3 та илмий мақола (1 та хорижий ва 2 та республика журналларида) ҳамда 4 та тезис (2 та республика ва 2 та халқаро конференция тўпламида) нашр қилинган", дейилади ташкилот хабарида.