Исроил Мадримов Канело - Бивол жангидан қандай натижа кутяпти?

Дунё бокс мухлислари кутаётган кунларга ҳам оз қолди. 7 май куни Канело - Бивол жанги бўлиб ўтади. Айни пайтда АҚШда жамоадоши Биволга спарринг шериклик қилаётган Исроил Мадримов мазкур тўқнашув ҳақида гапирди.

"Канело - Бивол жангини интизорлик билан кутяпмиз. Бу жамоамиз учун ҳам, мен учун ҳам жуда муҳим. Чунки Биволга спарринг шерик бўлдим. Дмитрийнинг ҳозирги спорт формаси аъло даражада. Агар жанг охиригача давом этса, Биволнинг имкониятлари ортади. 

Негаки, у оёқда анча яхши ҳаракат қилади, бир нуқтада ушлаш қийин. Бу Канелога қийинчилик туғдириши мумкин. Энди бу - бокс, олдиндан тахмин қилиш қийин, тўқнашув муддатидан олдин ҳам якунланиши мумкин. Сауль Альвареснинг қандай кучга эга эканлигини ҳаммамиз биламиз", - деди Мадримов.