Исроил Мадримов Мишель Сорога қарши жангга тайёргарликни якунлади

Боксчимиз бўлажак баҳс учун тайёргарликни якунлади.

«Алҳамдулиллоҳ охирги спаринг машғулотимизни тугатдик. Худо хоҳласа жангга тайёрмиз»,-деб фикр қолдирган Исроил.

Ёдингизда бўлса, боксчилар ўтган йилнинг декабрь ойида Тошкентда ўзаро жанг қилишганди ва Исроил Мадримов рақибини муддатидан олдин мағлуб этганди. Ўшанда тўқнашувнинг 9-раундида ҳакам гонг овозини эшитмаган, шундан сўнг Мадримов рақибга бир неча зарбалар йўллаши натижасида техник нокаут қайд этилган эди. Шундан сўнг Соронинг жамоаси ҳакамнинг қарорига эътироз билдирган ва шикоят билан мурожаат қилган. Шу сабабли, WBA боксчилар учун реванш белгилади. Жанг ғолиби WBA камари учун мажбурий даъвогарга айланади.