Исроил Мадримов Ўзбекистондаги жанг оқшоми ҳақида фикрларини билдирди

Ушбу кечада рингга кўтариладиган боксчиларимиздан бири Исроил Мадримовнинг рақиби ҳам аниқ бўлиб улгурган. Унга кўра, ҳамюртимиз мазкур оқшомда конголик Эммани Каломбо (14-0, 14 КО)га қарши рингга чиқади. Мадримов бўлажак жанг ва рақиб ҳақида фикр билдирди.

"Узоқ кутилган бокс оқшоми... Ҳамма боскчилар ўз юртида, мухлислари қаршисида жанг қилишни орзу қилади. DAZN платформаси Ўзбекистонга биринчи марта йўл олмоқда. Бу жуда қувонарли ҳолат, бундан жуда ҳам хурсандмиз. Ин Шаа Аллоҳ, ҳаммамиз яхши жанг ўтказишга интиламиз. Машғулотларимиз аъло даражада ўтмоқда, икки-уч кунлик тайёргарлик қолди. Насиб бўлса, 28-29 март кунларида Тошкентга қайтамиз. Рақибим - Эммани Каломбонининг жанг қилиш услубини ўргандик. Машғулотларда асосан техник ҳамда жисмоний тайёргарликка кўпроқ урғу бердик. Чунки жангим 10 раундга мўлжалланган. Энди ҳаммасини рингда кўрсатишга ҳаракат қиламиз. 

Бундай профессионал бокс кечаси Ўзбекистонда илк бор ўтказилмоқда. Яқинларимиз, мухлисларимиз қўллаб-қувватлаб туришади. Шундай экан, албатта бизда ҳаяжон бўлади. Ўзимизни қўлга олиб, хотиржамлик билан жанг қилишга ҳаракат қиламиз", - деди Мадримов мухбиримиз билан суҳбатда. 

САРВИНОЗ РАХМОНҚУЛОВА суҳбатлашди.