04 июл 07:52
Янгиликлар

Бокс/ММА

Исроил Мадримов - Теренс Кроуфорд оқшоми учун чипталар сотуви бошланди + ФОТО

Хабарингиз бор, 3 август куни АҚШнинг Лос-Анжелес шаҳрида жойлашган "BMO Stadium" мажмуасида профессионал бокс оқшоми ташкил этилади.

Турнирнинг марказий жангида супер яримўрта вазн тоифасида WBA чемпиони бўлиб турган ҳамюртимиз Исроил Мадримов мезбонлар вакили Теренс Кроуфордга қарши рингга кўтарилади.

Оқшом учун мўлжалланган чипталар сотуви бошланди. Унга кўра, бокс оқшомининг энг арзон чиптаси 226 доллар бўлса, энг қиммат чипталар 1859 доллардан сотилмоқда.