21 апр 20:00
Янгиликлар
Бокс/ММА
Исроил Мадримовнинг Сорога қарши реванш жанги бўйича навбатдаги тафсилотлар маълум бўлди
Ҳамюртимиз Исроил Мадримов ва франциялик Мишель Соро ўртасидаги реванш бўйича промоутерлик савдолари 29 апрель куни ўтказилади.
Жангни ташкил этиш ҳуқуқига эгалик қилишнинг минимал нархи 110 минг АҚШ долларини ташкил этади. Мукофот жамғармаси боксчилар ўртасида тенг бўлинади.
Эслатиб ўтамиз, боксчилар ўртасидаги дастлабки жанг 2021 йилнинг декабрида бўлиб ўтган ва унда Мадримов 9-раунддан сўнг ғалаба қозонганди. Бироқ ушбу жангдан кейин Соронинг жамоаси ўз норозилигини билдирганди.
Биринчи жанг натижаси бекор қилинмайди - Мадримов техник нокаут эвазига ғалаба қозонган. Аммо "Мир бокса" маълумотига кўра, WBA Соро томонининг даъвосини қаноатлантирган ва реваншга буйруқ берган.
Эслатиб ўтамиз, айни пайтда Мадримов биринчи ўрта вазн тоифасида биринчи, Соро эса иккинчи ўринни эгаллаб турибди.
Ҳавола :
Манба : olamsport.com
Фикрлар