03 май 10:50
Янгиликлар

Дзюдо

Istanbul Junior European Cup. Биринчи кун иккита медаль қўлга киритдик

Дзюдо бўйича Ўзбекистон ёшлар терма жамоаси Туркиянинг Истанбул шаҳри мезбонлик қилаётган Istanbul Junior European Cup 2026 турнирида иштирок этмоқда.

Мусобақада -60 кг вазн тоифасида курашган Арапбай Даурбаев финалга қадар Германия, Португалия, Туркия ва қозоғистонлик рақибларини мағлуб этиб, якунда кумуш медаль соҳибига айланди. Муросасиз кечган финал беллашувида эса япониялик Юносуке Йошимурага имкониятни бой бериб қўйди.

Шу вазндаги яна бир вакилимиз Хушнуд Султонов эса бронза медалига сазовор бўлди. У учинчи ўрин учун бўлиб ўтган беллашувда россиялик Магомед Абдуллаевдан устун келди.

Шу тариқа, мусобақанинг биринчи кунги баҳсларидан сўнг терма жамоамиз медаллар жамғариш бўйича кучли бешликда бормоқда.