Истеъфога чиққан Саутгейт кетиш олдидан нималар деди?

"Англиялик собиқ футболчи ва мураббий сифатида бутун фаолиятим давомида Англия миллий терма жамоасида тўп суриш ва кейинчалик уни бошқариш шараф эди. Мен бу иш учун боримни бердим.

Аммо ўзгаришлар вақти келди. Испанияга қарши Берлиндаги финал мен учун Англия терма жамоаси мураббийи сифатида сўнгги баҳсга айланди. 2011 йилда инглиз футболида ўзгаришларга қўл уриш учун Англия футбол ассоциациясида ишга киришдим. Ўтган давр мобайинида мен бу ерда ажойиб инсонлар билан ишладим, миллий жамоани бошқарган 8 йил давомида ҳам мени қўллаб-қувватлашди.

Бизда жаҳоннинг энг яхши мухлислари бор ва уларнинг қўллаб-қувватлаши мен учун доим жуда муҳим бўлган. Англиянинг мухлисиман ва шундай бўлиб қолади. Англия, барчаси учун раҳмат!" , - деди собиқ мураббий.