24 ноя 13:05
Янгиликлар
Теннис
Истомин Астанадаги турнирнинг ярим финалига чиқди
Хабар берганимиздек, Қозоғистоннинг Астана шаҳрида теннис бўйича соврин жамғармаси 50 минг АҚШ долларини ташкил қилувчи “Челленжер” туркумидаги турнир давом этмоқда.
Ҳозиргина Astana Challenger “Capital Cup” турнирининг иккинчи ракеткаси бўлган Денис Истомин чорак финал учрашувини ўтказди. Мамлакатимизнинг биринчи ракеткаси сербиялик Никола Милошевичга қарши кортга чиқди.
Таққослаш учун, Истомин дунё рейтингида 142, Милошевич эса 209-ўринни эгаллаб турибди. Биринчи сет 6:2 ҳисобида Истомин фойдасига ҳал бўлди. Иккинчи сетда эса Никола жароҳати сабаб кортга чиқмади.
Шу тариқа, ҳамюртимиз деярли қийинчиликсиз ярим финал йўлланмасини қўлга киритди.
Ҳавола :
Манба : olamsport.com
Фикрлар