30 июл 18:37
Янгиликлар
Теннис
Истомин Австриядаги мусобақанинг асосий даврасини ғалаба билан бошлади
Австриянинг Китцбюэль шаҳрида теннис бўйича ATP-250 мусобақаси бошланди.
Ҳамюртимиз Денис Истомин турнирни саралаш босқичидан бошлаганди. У икки рақибини мағлуб этган ҳолда асосий тўрга йўл олганди.
Бугун у мусобақанинг асосий даврасида илк ўйинини ўтказди. Истоминга илк даврада аргентиналик Федерико Дельбонис рақиблик қилди.
1 соат 46 дақиқа давом этган ўйинда Денис рақибини 7:6, 6:2 ҳисобларида мағлуб этди ва иккинчи даврага йўл олди. Энди у чорак финалга чиқиш учун турнирнинг иккинчи сараланган теннисчиси Филипп Кольшрайберга қарши ўйин ўтказади.
Ҳавола :
Манба : olamsport.com
Фикрлар