26 апр 07:50
Янгиликлар
Теннис
Истомин Барселонадаги турнирнинг илк даврасида кортга чиқди
Мамлакатимизнинг биринчи ракеткаси Денис Истомин жароҳат сабаб деярли бир ой давом этган танаффусдан сўнг айнан Барселонадаги турнирда яна катта теннисга қайтди.
Мусобақанинг соврин жамғармаси 2 миллион 373 минг 330 еврони ташкил қилади. Истомин кеча оқшом биринчи давра учрашувида кореялик Хён Чангга қарши кортга чиқди.
Афсуски, 1 соату 21 дақиқа давом этган баҳсда ҳамюртимиз рақибига икки сетда ҳам бир хил 4:6 ҳисобида имкониятни бой бериб қўйди. Энди Чанг иккинчи даврада германиялик Филипп Кольшрайбер билан тўқнаш келади.
Таққослаш учун, Денис Истомин куни кеча эълон қилинган дунё рейтингида 73, Чанг эса 94-ўринни эгаллаб турибди.
Ҳавола :
Манба : olamsport.com
Фикрлар