Истомин Брисбендаги турнирда неча очко ва қанча мукофот пули ишлаб олди?

Умумий мукофот жамғармаси 468 910 АҚШ долларини ташкил қилувчи ATP-250 турнирида теннисчимиз иккита ўйинда ғалаба қозонди.

Истомин мусобақада Жумхур ва Дональдсон каби рақибларини мағлубиятга учратиб, чорак финалгача етиб борди. Афсуски, чорак финалда Харрисонга қарши бўлиб ўтган ўйинда теннисчимиз жароҳат сабаб баҳсни охиригача етказа олмади.

Турнир регламентига кўра чорак финалга етиб келган теннисчи 45 рейтинг очкоси ва 13 595 АҚШ доллари миқдоридаги мукофот пулига эга бўлади.

Истомин кейинги ҳафта Сиднейда бўлиб ўтадиган мусобақада иштирок этиши лозим. Аммо, бугунги жароҳатдан сўнг унинг Сиднейдаги иштироки сўроқ остида қолди.

Истомин Брисбендаги турнирнинг чорак финалида кортга чиқди