22 сен 15:59
Янгиликлар

Теннис

Истомин бугун ғалаба қозонса ўзи учун 24 520 евро ҳамда 90 рейтинг очкосини нақд қилади

Ўзбекистоннинг биринчи рақамли теннисчиси Денис Истомин Франциянинг Метц шаҳрида бўлиб ўтаётган турнирда иштирок этмоқда.

Спортчимиз бунгача икки нафар рақибини мағлубиятга учратиб, чорак финалгача етиб келди. Турнир регламентига биноан мусобақанинг чорак финалида иштирок этган теннисчилар 13 970 евро ҳамда 45 рейтинг очкосига эга бўладилар.

Агар Денис бугун ярим финал йўлланмасини ҳал қила олса, ўзи учун 24 520 евро ҳамда 90 рейтинг очкосини нақд қилиб олади.

Эслатиб ўтамиз, бугун у ярим финал йўлланмаси учун грузиялик Николаз Басилашвилига қарши кортга чиқади. 22:30 дан сўнг бошланадиган баҳсда вакилимизга омад тилаб қоламиз. Маълумот учун, Истомин бунгача дунёнинг 64-рақамли теннисчис ҳисобланадиган Басилашвилига қарши ўйин ўтказмаган.