Истомин чемпион бўлганидан сўнг нималар деди?

У финал баҳсидан сўнг ўз фикрларини билдириб ўтди.

"Маркос тушган вазиятни жудаям яхши тушанаман. Аҳир ўзим ҳам кўп маротаба бундан ҳолга тушганман. Багдатис билан алоқаларимиз дўстона. Шу сабабдан ҳам, унинг йиқилиб тушганини кўришим билан олдига шошдим. Албатта, соврин ютишни истагандим. Аммо, бундай йўл билан эмас. Умид қиламанки, Маркос мавсум тугагунча ҳали ўйнай олади.

Бугун ўзимни жуда яхши ҳис қилдим. Ҳозир мавсум стартидагидек ҳолатдаман. Яқин орадаги режаларим: Тошкентдаги "Челленжер"да қатнашиш, шунингдек Стокгольм, Базель ва Париждаги мусобақаларда иштирок этиш. Йилни юқори нотада тугатишга ҳаракат қиламан", - дейди Истомин.