06 сен 07:31
Янгиликлар

Теннис

Истомин Чикагодаги турнир яккалигини ғалаба билан бошлади

АҚШнинг Чикаго шаҳрида мукофот жамғармаси 150 000 АҚШ долларини ташкил қилувчи мусобақа давом этмоқда.

Ушбу “Челленжер” туркумига кирувчи турнирда ҳамюртимиз Денис Истомин ҳам иштирок этяпти. Мамлакатимизнинг биринчи ракеткаси жуфтлик баҳсларидаги мағлубиятдан сўнг бор эътиборини яккаликдаги иштирокига қаратган.

Истомин мусобақанинг иккинчи ракеткаси сифатида сараланган бўлиб, бугун тонг саҳарда илк давра учрашувини ўтказди. Денис сальвадорлик Марсело Аревалога қарши кортга чиқиб, рақибини 63 дақиқа давом этган баҳсда 6:4, 6:1 ҳисобида мағлуб этди.

Таққослаш учун, Денис жаҳон рейтингида 76, Марсело эса 146-ўринни эгаллаб турибди. Теннисчилар шу кунгача ўзаро тўқнаш келишмаган эди.