08 сен 07:37
Янгиликлар

Теннис

Истомин Чикагодаги турнирда ярим финалга чиқди

Шу кунларда АҚШнинг Чикаго шаҳрида мукофот жамғармаси 150 000 АҚШ долларини ташкил қилувчи мусобақа давом этмоқда.

Ушбу “Челленжер” туркумига кирувчи турнирда ҳамюртимиз Денис Истомин ҳам муваффақиятли тарзда иштирок этяпти. Мамлакатимизнинг биринчи ракеткаси яккалик баҳсларининг чорак финалида бельгиялик Рубин Бемельмансга қарши кортга чиқди.

Мусобақада иккинчи рақам остида ҳаракат қилаётган Истомин турнирнинг олтинчи ракеткаси бўлган Бемельмансни 1 соату 14 дақиқа давом этган учрашувда 6:3, 6:4 ҳисобида мағлуб этди. Денис дунё рейтингида 76, Рубен эса 128-ўринни эгаллаб турибди.

Маълумот учун, теннисчилар шу кунгача ўзаро икки бор тўқнаш келишган эди. Учрашувларнинг бирида Истомин, иккинчисида Бемельманс зафар қучганди. Бугунги ғалабаси эвазига Денис шу йилнинг 10 февраль куни Роттердамм (Голландия) шаҳридаги мағлубияти учун реванш олди.