05 сен 08:37
Янгиликлар

Теннис

Истомин Чикагодаги турнирнинг жуфтлик баҳсида кортга чиқди

Мамлакатимизнинг биринчи ракеткаси Денис Истомин АҚШнинг Чикаго шаҳрида ўтказилаётган турнирда иштирок этяпти.

Ушбу "Челленжер" туркумига кирувчи мусобақанинг соврин жамғармаси 150 000 АҚШ долларини ташкил қилади. Бизнинг вақт билан бугун тонг саҳарда ҳамюртимиз Чикаго турнирининг жуфтлик баҳсларида кортга чиқди.

Афсуски, франциялик Хьюго Нис билан жуфтлик хосил қилган Истомин 1 соату 9 дақиқа давом этган 1/8 финал учрашувида Маркос Хирон ҳамда Тан Сон Квятовски тандемига 6:2, 4:6, катта тай-брекда 4:10 ҳисобида имкониятни бой берди. Хирон ва Квятовски асосий тўрга имтиёзли йўлланма асосида қўйилганлигини таъкидлаш жоиз.