23 сен 07:35
Янгиликлар

Теннис

Истомин дунёнинг 64-ракеткасига қарши кортга чиқди

Ўзбекистоннинг биринчи рақамли теннисчиси Денис Истомин Франциянинг Метц шаҳрида ўтказилаётган нуфузли турнирдаги иштирокини якунлади.

Ҳамюртимиз ушбу мусобақанинг чорак финал учрашувида грузиялик Николоз Басилашвилига қарши кортга чиқди. Бир соату 26 дақиқа давом этган баҳсда Истомин рақибига 5:7, 3:6 ҳисобида ютқазиб қўйди.

Таққослаш учун, Денис Истомин дунё рейтингида 82, Николоз Басилашвили 64 ўринни эгаллаб турибди. Истомин ва Басилашвили шу кунгача ўзаро тўқнаш келишмаганди.