19 июн 07:45
Янгиликлар
Теннис
Истомин Галле турнирининг саралаш баҳсларида кортга чиқди
Бугун Германиянинг Галле шаҳрида теннис бўйича нуфузли турнирнинг асосий тўр баҳслари бошланади.
Чим қопламали кортларда ўтказилаётган мусобақанинг саралаш баҳсларида ҳамюртимиз Денис Истомин ҳам иштирок этди. Афсуски, мамлакатимизнинг биринчи ракеткаси саралашнинг илк даврасидаёқ мағлубиятга учраб, турнирдаги иштирокини якунлади.
Саралашда иккинчи рақам остида таснифланган Истомин мезбонлар вакили Максимилян Мартерерга қарши кортга чиқди. Бир соату 37 дақиқа давом этган учрашувда Истомин рақибига тай-брекларда 6:7(5), 6:7(3) ҳисобида имкониятни бой бериб қўйди.
Таққослаш учун, Денис Истомин дунё рейтингида 74, Максимилян Мертерер эса 124-ўринни эгаллаб турибди.
Ҳавола :
Манба : olamsport.com
Фикрлар