26 июл 17:42
Янгиликлар
Теннис
Истомин Гштааддаги турнирда иккинчи ўйинида ҳам ғалаба қозонди
Швейцариянинг Гштаад шаҳрида соврин жамғармаси 540,310 еврони ташкил қилувчи турнир давом этмоқда.
Ушбу мусобақада Ўзбекистоннинг биринчи рақамли теннисчиси Денис Истомин ҳам иштирок этмоқда.
Спортчимиз илк босқичда италиялик Лоренцо Жустинони 6:3, 6:2 ҳисобида мағлуб этганди.
Бугун эса у германиялик Дастин Браунга қарши кортга чиқди. 41 дақиқа давом этган ўйинда теннисчимиз 113-рақамли ракетка ҳисобланган рақибини 6:3, 6:1 ҳисобларида мағлубиятга учратди.
Энди у чорак финалда Баутиста Агут/Сахаров ўйини ғолибига қарши кортга чиқади.
Ҳавола :
Манба : olamsport.com
Фикрлар