09 сен 07:15
Янгиликлар
Теннис
Истомин Женовадаги турнирда чорак финалга чиқди
Италиянинг Женова шаҳрида теннис бўйича соврин жамғармаси 106 минг 500 еврони ташкил қилувчи турнир давом этмоқда.
“Челленжер” туркумига кирувчи ушбу мусобақада мамлакатимизнинг биринчи ракеткаси Денис Истомин ҳам иштирок этяпти. Турнирнинг олтинчи ракеткаси сифатида қайд этилган ҳамюртимиз дастлабки иккита учрашувда ғалаба қозониб, чорак финалга йўлланма олди.
Денис аввалига ҳиндистонлик Рамкумар Раманаттанни 6:3, 6:4 ҳисобида мағлуб этди. Иккинчи даврада эса сербиялик Данило Петровични мусобақадан чиқариб юборди.
Биринчи сет 4:6 ҳисоби билан серб теннисчиси фойдасига ҳал бўлди. Иккинчи сетда Истомин 6:3 ҳисобида зафар қучди. Ҳал қилувчи учинчи сетнинг учинчи геймидан сўнг Петрович баҳсни давом эттира олмаслигини маълум қилди. Бу вақтга келиб ҳамюртимиз 3:0 ҳисобида олдинга чиқиб олганди.
Ҳавола :
Манба : olamsport.com
Фикрлар