14 май 08:44
Янгиликлар
Теннис
Истомин Рим “Мастерс”и саралашини ғалаба билан бошлади
Италиянинг Рим шаҳрида теннис бўйича “Мастерс” сериясига кирувчи нуфузли турнирнинг саралаш баҳслари бошланди.
Сўнгги мусобақаларни омадсиз ўтказаётган ҳамюртимиз Денис Истомин Римдаги турнирни саралаш баҳсларидан бошлади. У илк даврада саралаш мусобақасига имтиёзли равишда қўйилган Андреа Пеллегринога қарши кортга чиқди.
Таққослаш учун, Андреа дунё рейтингида 517, Денис эса 85-ўринни эгаллаб турибди. Бир соату 45 дақиқа давом этган учрашувда Истомин рақибини қийинчилик билан 6:4, 7:5 ҳисобида мағлуб этди.
Бугун мамлакатимизнинг биринчи ракеткаси асосий тўрга йўлланма берувчи ҳал қилувчи учрашувда Ян-Леннард Штруффга қарши кортга чиқади. Германиялик бу теннисчи ATP рейтингида 44-поғонадан жой олган бўлиб, саралашнинг биринчи ракеткаси сифатида ҳаракат қиляпти.
Ҳавола :
Манба : olamsport.com
Фикрлар