14 фев 08:05
Янгиликлар
Теннис
Истомин саралашдаги мағлубият учун Беденедан реванш олди
Мамлакатимизнинг биринчи рақамли теннисчиси Денис Истомин Голландиянинг Роттердам шаҳридаги нуфузли турнирнинг саралаш босқичида британиялик Альяж Беденега имкониятни бой бериб қўйганди.
Кутилмаганда теннисчимизга мусобақанинг асосий босқичи учун имтиёзли йўлланма (LL) берилди ва у турнирдаги иштирокини давом эттирди.
Эътиборлиси, Денис асосий тўрнинг биринчи даврасида яна ўша британиялик Альяж Беденега қарши кортга чиқди. Икки сет давом этган учрашувда Истомин рақибини 6:3, 7:6(7:3) ҳисобида мағлуб этди.
Бу билан ҳамюртимиз саралашдаги мағлубият учун британиялик теннисчидан реванш олди. Энди вакилимиз иккинчи босқичда Димитров - Зверев жуфтлиги ғолибига қарши кортга чиқади.
Ҳавола :
Манба : olamsport.com
Фикрлар