15 окт 08:48
Янгиликлар

Теннис

Истомин Швециядаги турнирда, илк рақиби маълум

Мамлакатимизнинг биринчи рақамли теннисчиси Денис Истомин эртадан асосий тўр баҳслари бошланувчи Стокгольмдаги ATP турнирида иштирок этади.

Швеция пойтахти мезбонлик қиладиган турнирнинг соврин жамғармаси 660 минг 375 еврони ташкил қилади. Ҳамюртимиз қуръа натижасига кўра илк даврада япониялик Юити Сугитага қарши кортга чиқади. Истомин дунё рейтингида 51, Сугита 36-ўринни эгаллаб турибди.

Ёдингизда бўлса, бу икки ракетка устаси икки ҳафта аввал Хитойнинг Чэнду шаҳрида ўтказилган турнирнинг ярим финалида ўзаро тўқнаш келишганди. Ўшанда Истомин кучли рақибини мағлубиятга учратган ва якунда турнир ғолибига айланган эди.