14 фев 15:35
Янгиликлар
Теннис
Истоминнинг иккинчи даврадаги рақиби эртага маълум бўлади
Мамлакатимизнинг биринчи рақамли теннисчиси Денис Истомин Голландиянинг Роттердам шаҳридаги нуфузли турнирнинг асосий тўридаги иштирокини ғалаба билан бошлаган эди.
Эътиборлиси, ҳамюртимиз саралаш босқичида британиялик Альяж Беденега имкониятни бой бериб қўйганди. Кутилмаганда теннисчимизга мусобақанинг асосий босқичи учун имтиёзли йўлланма (LL) берилди ва у турнирдаги иштирокини давом эттирди.
Денис асосий тўрнинг биринчи даврасида яна ўша британиялик Альяж Беденега қарши кортга чиқди. Икки сет давом этган учрашувда Истомин рақибини 6:3, 7:6(7:3) ҳисобида мағлуб этди.
Истоминнинг нимчорак финалдаги рақиби эртага аниқланади. Дунёнинг 12-ракеткаси болгариялик Григор Димитров ҳамда германиялик Миша Зверев ўртасидаги учрашувдан сўнг Дениснинг рақиби маълум бўлади.
Ҳавола :
Манба : olamsport.com
Фикрлар