Жаҳон чемпионати. Беш нафар боксчимиз рингга кўтарилди

Ушбу мусобақада илк маротаба Ўзбекистон терма жамоаси тўлиқ таркибда иштирок этяпти. Жаҳон чемпионатининг ортда қолган икки кунида рингга кўтарилган беш боксчимиздан фақат бир нафаригина иккинчи даврага йўл олди. 

-69 кг вазнда рингга кўтарилаётган Шаҳноза Юнусова илк босқичда Кимберли Гиттенсни 3:2 ҳисобида таслим этди. Қолган боксчи қизларимиз эса мағлубият аламини тотиб кўриб, жаҳон чемпионатидаги иштирокларини якунлашди. 

-51 кг вазн тоифасидаги ҳамюртимиз Азиза Ёқубова япониялик Цукими Намикига ютқазди - 2:3. Чехия, Руминия ва польшалик ҳакамлар ғалабани япон боксчисига беришган. 

-54 кг вазн тоифасида юртимиз спорт шарафини ҳимоя қилган Турсуной Раҳимова илк даврада Модестин Мунга Залияга 0:5 ҳисобида ютқазди. 

-57 кг вазн тоифасидаги вакиламиз, Рио Олимпиадаси иштирокчиси Ёдгорой Мирзаева руминиялик рақибасини Лакрамиоара Перижокка 0:5 ҳисобида имкониятни бой бериб қўйди.  

-60 кг вазндаги боксчимиз Райҳона Қодиров тенг курашлар остида кечган жанг якунида болгариялик Дениса Йорданова Елисеевадан 2:3 ҳисобида мағлуб бўлди.